喺呢個資訊發達嘅年代，基本上人與人、物與物、貓與狗之間都無咩秘密可以守到。你身邊嘅所謂智囊巴打同閨蜜絲打，分分鐘唔係幫你把關嗰個，而係送你一程嗰個！人定鬼？自己睇！
第一特徵：【牙齒突暴】
當你見到個人未講野先見條脷，牙齒仲明顯外露，呢種人搬弄是非最拿手，不時誇大歪曲事實。
第二特徵：【男性女聲】
無辦法啦！呢種人自知自己陰陽怪氣，為咗方便埋堆，是非當人情就係佢求生之道。
第三特徵：【眼球突出】
其實呢種人性格直爽，原本係冇問題嘅，但衰喺缺乏判斷力，狗衝當飯食，諗起咩就講，多嘴多到不顧後果。
第四特徵：【耳垂尖小】
擁有史上最強嘅好奇心，不八卦便成仁，揭私係佢嘅強項，Friend多係佢嘅優勢。呢種人做朋友一流，你add佢入group，餐餐都有堅(毒)料爆！
